ایبٹ آباد — ڈونگہ گلی کے مقام پر سیاحوں کی ایک گاڑی گہری کھائی میں جا گری، جس کے نتیجے میں تین افراد زخمی ہوگئے۔ اطلاع ملتے ہی ریسکیو 1122 ایبٹ آباد کی میڈیکل ٹیم فوری طور پر جائے حادثہ پر پہنچ گئی اور امدادی کارروائیوں کا آغاز کر دیا۔ حادثے میں زخمی ہونے والوں میں 55 سالہ ولید، 32 سالہ زاہد اور 28 سالہ علیمہ شامل ہیں، جو لاہور کے رہائشی ہیں۔ ریسکیو اہلکاروں نے زخمیوں کو بروقت ابتدائی طبی امداد فراہم کی اور بعد ازاں انہیں مزید علاج کے لیے آر ایچ سی نتھیاگلی منتقل کر دیا۔ ریسکیو 1122 کے ترجمان کے مطابق ادارہ ہر قسم کی ایمرجنسی میں عوام کو فوری اور مؤثر امداد فراہم کرنے کے لیے ہمہ وقت تیار ہے۔