پشاور (خصوصی رپورٹر) گزشتہ سالوں کی طرح امسال بھی خیبر نیٹ ورک چینلز کےٹو نے ماہ صیام کے بابرکت دنوں میں متحدہ عرب امارات میں مقیم پاکستانیوں کو یاد رکھا۔ اس سلسلے میں خصوصی پروگرام رمضان شادمان نشر کیا گیا، جس میں اوورسیز پاکستانیوں کو مدعو کیا گیا اور انہیں وطن عزیز اور ماہ رمضان کے حوالے سے سیر حاصل بات چیت کا موقع دیا گیا۔
شو میں شریک اوورسیز پاکستانی ملک کے مختلف علاقوں سے تعلق رکھتے ہیں اور طویل عرصے سے امارات میں کاروبار کر رہے ہیں۔ یہ افراد وطن کے لیے محنت اور مزدوری کرکے زرمبادلہ بھجوا کر ملکی معیشت کو مستحکم کرنے میں اپنا قومی کردار ادا کر رہے ہیں۔
اس موقع پر اوورسیز پاکستانیوں نے وطن سے دوری کے باوجود ماہ رمضان کے روحانی فوائد اور قربانیوں کے تجربات کا اظہار کیا اور پاکستان کے ساتھ اپنی محبت اور وابستگی کو اجاگر کیا۔ کےٹو نے پروگرام کے ذریعے اوورسیز کمیونٹی کو وطن کے قریب رکھنے اور ماہ رمضان کی بابرکت فضیلت سے مستفید کرنے کی کوشش کی۔
