پشاور (خصوصی رپورٹر): خیبر ٹیلی ویژن نیٹ ورک نے اردو اور پشتو زبانوں میں متعدد پروگرامز پیش کرکے معاشرے میں خواتین کے کردار اور ان کی اہمیت کو اجاگر کیا ہے۔
تفصیلات کے مطابق نیٹ ورک کے مختلف شوز میں “ویمن ان پاور” کے تصور کو فروغ دیا گیا ہے تاکہ عوام کو یہ شعور دیا جا سکے کہ خواتین نہ صرف گھریلو زندگی بلکہ ملکی ترقی اور خوشحالی میں بھی بنیادی کردار ادا کرتی ہیں۔
اس سلسلے میں کے ٹو اسلام آباد سے ردا عمران کا مارننگ شو پیش کیا جا رہا ہے جس میں مختلف شعبوں سے تعلق رکھنے والی ورکنگ ویمن کو مدعو کیا جاتا ہے۔ اس پروگرام میں خواتین اپنی کامیابیوں اور تجربات کی کہانیاں خود ناظرین کے ساتھ شیئر کرتی ہیں۔
پروگرام کی خاص بات یہ ہے کہ اس میں زندگی کے مختلف شعبوں سے تعلق رکھنے والی ان خواتین کو شامل کیا جاتا ہے جو اپنے اپنے میدان میں نمایاں کردار ادا کر رہی ہیں اور دوسروں کے لیے رول ماڈل کی حیثیت رکھتی ہیں۔
خیبر ٹیلی ویژن کے مطابق اس نوعیت کے پروگرامز کا مقصد معاشرے میں مثبت سوچ کو فروغ دینا اور خواتین کو خوداعتمادی اور آگے بڑھنے کا حوصلہ دینا ہے۔
