بنگلادیش نے تیسرے اور فیصلہ کن ون ڈے میچ میں پاکستان کو 11 رنز سے ہرا کر سیریز 1-2 سے جیت لی، 291 رنز ہدف کے تعاقب میں قومی ٹیم مقررہ اوورز میں 9 وکٹ پر 279 رنز بنا سکی،شاندار سنچر سکور کرنے پر تنزید حسن میچ اور تینوں میچز میں 8 وکٹیں لینے پر ناہید رانا سیریز کے بہترین کھلاڑی قرار پائے ۔
ڈھاکہ میں کھیلے گئے آخری اور فیصلہ کن ون ڈے میچ میں پاکستان نے بنگلادیش کے خلاف ٹاس جیت کر فیلڈنگ کا فیصلہ کیا، بنگلہ دیش نے مقررہ اوور میں 5 وکٹوں کے نقصان پر 290 رنز بنائے ۔
بنگلادیش کی جانب سے تنزید حسن نے 107 رنز کی اننگز کھیلی جبکہ لٹن داس نے 41، سیف حسن نے 36 اور نجم الحسن شانتو نے 27 رنز بنائے، توحید نے 44 رنز کی ناقابلِ شکست اننگز کھیلی ۔
پاکستان کی جانب سے حارث رؤف نے 3 کھلاڑیوں کو آؤٹ کیا، جبکہ شاہین آفریدی اور ابرار احمد نے ایک ایک وکٹ اپنے نام کی، مقررہ ہدف کے تعاقب میں پاکستانی ٹیم سلمان آغا کی شاندار سنچری کی بدولت فتح کے قریب پہنچی تاہم اس میں کامیابی نہ مل سکی ۔
پاکستانی ٹیم 291 رنز ہدف کےتعاقب میں آخری گیند پر 279 رنز بنا کر آؤٹ ہوئی، سلمان علی آغا نے 106رنز کی اننگز کھیلی، سعد مسعود نے38،شاہین آفریدی نے37 اورعبدالصمد نے34 رنزبنائے ۔
بنگلادیش کی جانب سے تسکین احمد نے چار، مستفیض الرحمان نے تین اور ناہید رانا نے 2 کھلاڑیوں کو آؤٹ کیا، شاندار سنچر سکور کرنے پر تنزید حسن میچ اور تینوں میچز میں 8 وکٹیں لینے پر ناہید رانا سیریز کے بہترین کھلاڑی قرار پائے ۔
