حسن ابدال میں موٹر سائیکل سوار ماں بیٹے پر نامعلوم افراد نے فائرنگ کی ہے جس دوران بیٹا جاں بحق جبکہ ماں شدید زخمی ہو گئی ۔
حسن ابدال: فائرنگ کا واقعہ محلہ صابرہ آباد کے قریب پیش آیا جہاں نا معلوم ملزمان نے موٹر سائیکل سوار ماں اور بیٹے پر فائرنگ کی ۔
فائرنگ کے دوران بیٹا موقع پر ہی جاں بحق ہو گیا جبکہ ماں کو تشویشناک حالت میں ٹی ایچ کیو ہسپتال منتقل کر دیا گیا ہے ۔
ہسپتال ذرائع کے مطابق جاں بحق نوجوان کی شناخت عمران ولد عبدالزمان کے نام سے ہوئی جبکہ زخمی خاتون کو ٹانگ اور کمر پر دو گولیاں لگیں ۔
ریسکیو حکام کے مطابق ملزمان فائرنگ کے بعد موقع سے فرار ہو گئے، جبکہ پولیس نے واقعے سے متعلق مزید تحقیقات شروع کر دیں ۔
