دوسرے ون ڈے میچ میں پاکستان نے بنگلادیش کو 128رنز سے ہراکر دے کر تین میچز کی سیریز ایک ایک سے برابر کردی، بارش سے متاثرہ میچ میں بنگلہ دیش کو جیت کیلئے 243 رنز کا ہدف ملا تھا ، جس کے جواب میں بنگلہ دیش کی پوری ٹیم 114 رنز پر ڈھیر ہو گئی ، فیصلہ کن میچ اتوار کو ڈھاکہ میں کھیلا جائے گا ۔
ڈھاکہ میں کھیلے گئے دوسرے ون ڈے میچ میں پاکستان نے پہلے بیٹنگ کرتے ہوئے 274رنز بنائے ، تاہم بارش کے سبب بنگلا دیش کو 32 اوورز میں 243رنز کا ہدف ملا تھا ۔
معاذ صداقت نے شاندار بیٹنگ کرتے ہوئے 46 گیندوں پر 75رنز بنائے،سلمان علی آغا نے 64 ر نز کی اننگز کھیلی، محمد رضوان 44 رنز بناکر آؤٹ ہوئے، اوپنر صاحبزادہ فرحان نے 31 اور فہیم اشرف نے 14 رنز سکور کیے ۔
بنگلادیش کی جانب سے رشاد حسین نے 3 اور مہدی حسن میراز نے 2 کھلاڑیوں کو آؤٹ کیا، 243رنز کے ہدف کے تعاقب میں بنگلادیش کی ٹیم 24ویں اوور میں 114 رنز بناکر پویلین لوٹ گئی ۔
بنگلادیش کی جانب سے لٹن ڈاس 41 رنز بناکرنمایاں رہے، اس کےعلاوہ توحید نے 28 اور سیف حسن نے 12 رنز بنائے، پاکستان کی طرف سے معاذ صداقت اور حارث رؤف نے 3،3 وکٹیں حاصل کیں۔شاہین آفریدی نے 2 کھلاڑیوں کو آؤٹ کیا ۔
شاندار آل راونڈ کارکردگی پر معاذ صداقت کو میچ کے بہترین کھلاڑی کا اعزا دیا گیا ۔
128 رنز سے کامیابی کے بعد دونوں ٹیموں کے درمیان 3 میچز کی سیریز 1-1 سے برابر ہوگئی ہے، سیریز کا آخری اور فیصلہ کن میچ اتوار کو کھیلا جائے گا ۔
