تربیلا ڈیم سے دریائے سندھ میں پانی کا اخراج ڈیڑھ لاکھ کیوسک سے زائد ہونے کا امکان ہے، جبکہ آئندہ 24 گھنٹوں تک پانی کے زیادہ اخراج کا سلسلہ جاری رہنے کی توقع ہے ۔ ہری پور: حکام نے ممکنہ خطرات کے پیش نظر ضلعی انتظامیہ اور متعلقہ اداروں کو حفاظتی اقدامات یقینی بنانے کی ہدایت جاری کر دی ہے، انتظامیہ کی جانب سے جاری نوٹیفکیشن میں شہریوں کو دریائے سندھ کے کنارے جانے، پانی میں نہانے اور کشتی رانی سے گریز کرنے کی ہدایت کی گئی ہے ۔ والدین سے اپیل کی گئی ہے کہ وہ اپنے بچوں کو دریا، ندی نالوں اور پانی کے دیگر مقامات کے قریب جانے سے روکیں، دوسری جانب انتظامیہ نے مویشی پالنے والے افراد کو بھی خبردار کیا ہے کہ وہ اپنے جانوروں کو پانی کے تیز بہاؤ والے علاقوں سے دور رکھیں…