بالی ووڈ کی معروف اداکارہ دیپیکا پڈوکون نے اپنی بیٹی کی پیدائش کے بعد انوشکا شرما کے نقشِ قدم پر چلنے کا فیصلہ کیا ہے، دپیکا بیٹی کی دیکھ بھال کے لیے ‘نینی’ نہیں رکھے گی۔
یاد رہے دیپیکا پڈوکون اور رنویر سنگھ کے ہاں 8 ستمبر کو بیٹی کی پیدائش ہوئی تھی جس کی خوشخبری انہون نے اپنی سوشل میڈیا پوسٹس کے ذریعے اپنے مداحوں کو دی تھی۔
رنویر سنگھ اور دیپیکا پڈوکون فی الحال بیٹی کو میڈیا کے سامنے نہیں لائے ہیں اور نہ ہی ابھی تک بیٹی کا نام ظاہر کیا ہے۔
بھارتی میڈیا کے مطابق دیپیکا پڈوکون اور رنویر سنگھ بھی اپنی بیٹی کے لیے رنبیر کپور،عالیہ بھٹ اور انوشکا شرما، ویرات کوہلی کی طرح نو فوٹو پالیسی پر عمل کریں گے۔
واضح رہے کہ رنویر سنگھ اور دیپیکا پڈوکون کی شادی 2018 میں اٹلی میں ہوئی تھی۔
