منگولیا میں کھیلے جا رہے سنوکر ورلڈ کپ میں پاکستانی اسجد اقبال اور اویس منیر نے شاندار کھیل کا مظاہرہ کرتے ہوئے پری کوارٹر فائنل کے لیے کوالیفائی کر لیا۔
اسنوکر ورلڈ کپ میں اسجد اقبال اور اویس منیر نے اپنے اپنے مسلسل تیسرے میچز جیت کر پری کوارٹر فائنل میں جگہ بنا لی۔
اسجد اقبال نے ورلڈ چیمپئن قطری کھلاڑی علی الوبیدلی کو شکست دے کر ٹورنامنٹ کا سب سے بڑا اپ سیٹ کیا۔ انہوں نے قطری کھلاڑی کو تین ایک سے آؤٹ کلاس کیا۔ اسجد کی کامیابی کا اسکور 59-36، 26-63، 58-19 اور 70-58 رہا۔
دوسری طرف اویس منیر نے اپنے تیسرے میچ میں ایرانی کیوئسٹ کو زیر کیا اور انہوں ے سیاوش موزایانی کو تین ایک کے اسکور سے شکست دی۔
اویس نے پہلا فریم ہارنے کے بعد شاندار واپسی کی اور اگلے تینوں فریمز مسلسل جیتے۔ ان کی جیت کا اسکور 9-63، 78-34، 59-50 اور 73-13 رہا۔
دونوں پاکستانی کھلاڑی اپنے اپنے گروپوں کے ٹاپ پر ہیں اور براہ راست پری کوارٹر فائنل میں جگہ پکی کی ہے۔
