ایشین چیمپیئنز ٹرافی ہاکی میچ میں پاکستان اور کوریا کے درمیان سنسنی خیز مقابلے کے بعد دو دو گول سے برابر ہوگیا۔
چین کے شہر ہولینبیور میں کھیلے گئے ہاکی میچ کے شروع میں کوریا کی طرف سے جنگوان نے گول سکور کرکے کورین ٹیم کو ایک گول کی سبقت دلائی۔
اس کے بعد کھیل کے آخری کوارٹر کے آخری لمحات میں پاکستان کی طرف ساے حنان شاہد نے لگاتار دو فیلڈ گول اسکور کرکے پاکستان کو سبقت دلائی۔ تاہم کوریا کے سونگیان نے میچ کے آخری وقت میں گول کرکے میچ 2-2 گول سے برابر کر دیا۔
پاکستان اور کوریا کا میچ برابری پر ختم ہوا، میچ کے آخری لمحات میں3 منٹ میں تین گول کیے گئے۔
پاکستان کے حنان شاہدکو شاندار پرفارمنس پر میچ کا بہترین کھلاڑی قرار دیا گیا۔
یاد رہے کہ قومی ٹیم کا ملائیشیا کے خلاف میچ بھی برابری پر ختم ہوا تھا، پاکستانی ٹیم اپنا تیسرا میچ 11 ستمبر کو جاپان کے خلاف کھیلے گی۔
