سپریم کورٹ سے لاکھوں روپے مالیت کے 2 کمپیوٹر چوری ہوگئے۔
کمپیوٹر چوری کا مقدمہ اسلام آباد کے تھانہ سیکرٹریٹ میں ڈائریکٹرآئی ٹی کی مدعیت میں درج کیا گیا ہے، اس مقدمے میں سپریم کورٹ کے 2 ملازمین زاہد اقبال اور فیصل خان نامزد کیے گئے ہیں۔
ایف آئی آر کے مطابق کمپیوٹرز کو تیسرے منزل کے کمرے میں منتقل کیا گیا تھا جہاں سے وہ چوری ہوئے۔
ایف آئی آر میں مزید کہا گیا یے کہ نئے کمپیوٹرز میں سی پی یو اور ایل سی ڈیز شامل تھیں، سی سی ٹی وی فوٹیجز میں 2 ملازمین فیصل خان اور زاہد اقبال کو مشکوک نقل و حرکت کرتے دیکھے گئے، چوری شدہ دونوں کمپیوٹرز کی مالیت 6 لاکھ روپے ہے۔
زاہد اقبال سیکرٹری ٹو چیف جسٹس کا ڈرائیور ہے جبکہ فیصل خان سپریم کورٹ میں بطور نائب قاصد تعینات ہے۔
پولیس کے مطابق واقعے کا مقدمہ درج ہونے کے بعد معاملے کی تحقیقات شروع کر دی گئی ہیں۔
