ایڈیشنل اسسٹنٹ کمشنر ون ایبٹ آباد کامران علی شاہ کی جانب سے رمضان المبارک میں مہنگی اشیاء بیچنے والوں کے خلاف کارروائیوں کا سلسلہ جاری ہے۔
ڈپٹی کمشنر ایبٹ آباد کے ترجمان کے مطابق انہوں نے نڑیاں، منڈیاں، کالا پل اور عثمان آباد میں دکانوں کو چیک کیا اور زائد قیمتیں وصول کرنے والوں کی دکانیں سیل کر کے انہیں جیل بھیج دیا۔
ڈپٹی کمشنر ایبٹ آباد سرمد سلیم اکرم کی ہدایات پر ڈسٹرکٹ پرائس کنٹرول مجسٹریٹس نے ضلع بھر میں کارروائی عمل میں لاتے ہوئے شہریوں کو ریٹ لسٹ کے مطابق معیاری اشیاء کی فراہمی کیلئے اقدامات یقینی بنائے۔
اس موقع پر مجموعی طور پر 412 دکانوں اور ہوٹلوں کا معائنہ کیا گیا، 22 دکانیں سیل کی گئیں جبکہ 28 افراد اور دکانداروں کو جیل بھیج دیا گیا۔
انہوں نے دکانداروں کو سختی سے ہدایت کی کہ ریٹ لسٹ کے مطابق زائد قیمتیں وصول کرنے والوں کے خلاف کارروائیاں جاری رہیں گی۔
