ایبٹ آباد: ایوبیہ کے نواحی علاقے ملکوٹ کے قریب افسوسناک کار حادثے میں تین خواتین جاں بحق جبکہ عدنان نامی شخص سمیت تین افراد زخمی ہو گئے۔
ابتدائی اطلاعات کے مطابق حادثہ بریک فیل ہونے کے باعث پیش آیا جس کے نتیجے میں گاڑی بے قابو ہو کر حادثے کا شکار ہوئی۔
جاں بحق ہونے والوں میں 25 سالہ حبیبہ بی بی، 50 سالہ نسیم بی بی اور 50 سالہ فہیمہ بی بی شامل ہیں۔زخمیوں میں 5 سالہ مروا، 36 سالہ عدنان اور 26 سالہ وقار النساء شامل ہیں۔
ریسکیو ذرائع کے مطابق جاں بحق اور زخمی ہونے والوں کا تعلق ایوبیہ کے نواحی گاؤں ریالہ اور ملکوٹ سے ہے۔ ریسکیو1122 کی ٹیموں نے موقع پر پہنچ کر زخمیوں کو ابتدائی طبی امداد فراہم کی اور ہسپتال منتقل کر دیا، جبکہ واقعے کے بعد علاقے میں فضا سوگوار ہے۔
