راولپنڈی: برطانیہ کے چیف آف جنرل سٹاف جنرل سر چارلس رولینڈ ونسنٹ واکر کی قیادت میں پاکستان کا دورہ کیا۔
اعلیٰ سطح کے برطانوی وفد نے جنرل ہیڈکوارٹرز راولپنڈی میں چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر سے ملاقات کی۔
جی ایچ کیو آمد پر معزز مہمان کو پاک فوج کے چاق و چوبند دستے نے گارڈ آف آنر پیش کیا۔
ملاقات میں باہمی دلچسپی کے امور، موجودہ علاقائی سلامتی کی صورتحال اور دوطرفہ دفاعی و سلامتی تعاون بڑھانے کے راستوں پر تبادلہ خیال کیا گیا۔
دونوں فریقوں نے پاکستان اور برطانیہ کے درمیان دیرینہ خوشگوار تعلقات پر اطمینان کا اظہار کیا اور دوطرفہ عسکری تعاون مزید مضبوط بنانے کے عزم کا اعادہ کیا۔
فیلڈ مارشل نے برطانیہ کے ساتھ دفاعی تعلقات مزید وسعت دینے کے پاکستان کے عزم پر زور دیا۔
برطانوی چیف آف جنرل سٹاف نے پاکستانی مسلح افواج کی پیشہ ورانہ صلاحیتوں اور آپریشنل تیاریوں کو سراہا اور علاقائی امن و استحکام میں ان کے کردار کو تسلیم کیا۔


