آزاد کشمیر میں عام انتخابات کے دوسرے مرحلے کیلئے تیاریاں جاری ہیں، مظفر آباد ڈویژن کے تین اضلاع اور 12 مہاجر نشستوں پر پولنگ اتوار 2 اگست کو ہوگی ۔
مظفر آباد ڈویژن تین اضلاع مظفر آباد، نیلم اور ضلع جہلم ویلی پر مشتمل ہے، مظفر آباد ڈویژن کے 9 حلقوں میں رجسٹرڈ ووٹرز کی تعداد 8 لاکھ 90 ہزار 6 سو 21 ہے، جس میں مرد ووٹرز کی تعداد 4 لاکھ 27 ہزار 9 سو 55 ہے ۔
مظفر آباد ڈویژن کے تین اضلاع میں خواتین ووٹرز کی تعداد 3 لاکھ 81 ہزار 6 سو 66 ہے جہاں 1ہزار 4 سو 83 پولنگ سٹیشنز قائم کیے گئے ہیں، ضلع مظفرآباد کے 5 حلقوں میں 1205پولنگ سٹیشنز قائم کیے گئے ہیں، ضلع نیلم کے 2 حلقوں میں 278 پولنگ سٹیشنز قائم کیے گئے ہیں ۔
ضلع جہلم ویلی کے 2 حلقوں میں 328 پولنگ سٹیشنز قائم ہیں، مظفر آباد ڈویژن کے تینوں اضلاع کے 9 حلقوں پر 208 امیدوار میدان میں ہیں، جموں اور ویلی کی 6، 6 نشستوں پر پاکستان میں مقیم کشمیری مہاجرین اپنا ووٹ کاسٹ کریں گے، مہاجرین نشستوں پر ووٹنگ کے بعد 12حلقوں کے نتائج آزاد کشمیر الیکشن کمیشن جاری کرے گا ۔
جموں کی چھ نشستیں ایل اے 34 جموں 1 سے ایل اے 39 جموں 6 پر مشتمل ہیں، ویلی کی 6 نشستیں ایل اے 40 ویلی 1سے ایل اے 45 ویلی 6 پر مشتمل ہیں ۔
