مانسہرہ میں تھانہ سٹی پولیس نے بروقت کارروائی کرتے ہوئے احاطہ عدلیہ مانسہرہ کے قریب نجی گاڑی سے بھاری مقدار میں غیر قانونی اسلحہ برآمد کرکے ملزم کو گرفتار کرلیا ۔
مانسہرہ: ایس ایچ او تھانہ سٹی کی نگرانی میں پولیس ٹیم نے دورانِ ناکہ بندی ایک پرائیویٹ گاڑی کو روک کر تلاشی لی، اس دوران گاڑی سے بڑی مقدار میں اسلحہ برآمد ہوا، جس کے متعلق وہ موقع پر کوئی قانونی دستاویزات پیش نہ کر سکا ۔
برآمد ہونے والے اسلحہ میں ایک عدد کلاشنکوف، ایک عدد رائفل، ایک عدد رائفل 8 ایم ایم، ایک عدد پستول 9 ایم ایم، ایک عدد پستول 30 بور سمیت مختلف بور کے کارتوس اور میگزین شامل ہیں ۔
مانسہرہ پولیس کی بروقت کارروائی اور مؤثر ناکہ بندی کے باعث ایک ممکنہ سنگین واقعے کا بروقت سدباب ممکن ہوا، مزید تفتیش کا سلسلہ بھی جاری ہے ۔
