بلوچستان کے ضلع خضدار میں خفیہ اطلاع پر سکیورٹی فورسز نے آپریشن کرتے ہوئے 4 دہشت گردوں کو ہلاک کر دیا، آپریشن کے دوران دہشتگردوں کی بارود سے بھری دو گاڑیاں بھی تباہ کردی گئیں ۔
پاک فوج کے شعبہ تعلقات عامہ کی جانب سے جاری بیان کے مطابق آپریشن کے دوران 4 دہشتگردوں کو ہلاک کردیا گیا،دہشت گردوں کی بارود سے بھری دو گاڑیاں بھی تباہ کر دی گئیں، جس سے ممکنہ بڑے دہشت گرد حملے کو ناکام بنایا گیا ۔
آئی ایس پی آر نے مزید بتایا کہ علاقے میں کلیئرنس آپریشن جاری ہے تاکہ کسی بھی ممکنہ دہشت گرد کی موجودگی کو ختم کیا جا سکے ۔
آئی ایس پی آر نے اپنے بیان میں اس عزم کا اعادہ کیا کہ ملک سے دہشت گردی کے مکمل خاتمے تک سکیورٹی فورسز کی کارروائیاں بلا تعطل جاری رہیں گی ۔
