پشاور (شوبز ڈیسک) — وادی ہزارہ کے سینئر ڈرامہ فنکار زبیر جدون نے کہا ہے کہ کےٹو ٹیلیویژن کے عوامی مقبول پروگرام “ڈھیڈی” میں ان کے ساتھی فنکاروں کے ساتھ ادا کیے گئے نکہ لالہ اور وڈا لالہ کے کرداروں نے ناظرین میں غیر معمولی مقبولیت حاصل کی۔
انہوں نے کہا کہ ان کرداروں نے پروگرام کو خاص پہچان دی اور عوامی سطح پر انہیں خوب پذیرائی ملی۔ زبیر جدون کے مطابق سواتی ماما ظفر بھولا بھی اس پروگرام کا اہم حصہ ہیں جنہیں ہزارہ سمیت پاکستان اور بیرون ملک مقیم ہندکو زبان بولنے والے افراد بے حد پسند کرتے ہیں۔
انہوں نے مزید کہا کہ یہ پروگرام ہزارہ کے ہر گھر اور گاؤں میں باقاعدگی سے دیکھا جاتا ہے، جبکہ کاشف ملک کا انداز اور ان کی نفیس گفتگو بھی ناظرین میں خاص طور پر قابلِ ذکر ہے۔
