پشاور (شوبز ڈیسک) — عید کی خوشیوں میں کالنجر ہری پور کے عوام کو شریک کرنے کے لیے معروف عوامی پروگرام “ڈھیڈی” کا خصوصی شو کالنجر میں منعقد کیا گیا، جس میں علاقے کی عوام اور مختلف سماجی، ثقافتی، تجارتی اور سیاسی شخصیات کو مدعو کیا گیا۔
پروگرام کی میزبانی حسبِ دستور کاشف ملک نے کی، جبکہ سواتی ماما اور ظفر بھولا نے اپنی شاندار پرفارمنس کے ذریعے محفل کو مزید رنگین بنا دیا اور شو کو خوب پذیرائی حاصل ہوئی۔
منتظمین کے مطابق “ڈھیڈی” کا دائرہ کار بتدریج ہزارہ کے دور افتادہ اور دشوار گزار علاقوں تک پھیلایا جا رہا ہے۔ اس عوامی شو کو اب ایک تفریحی پروگرام کے ساتھ ساتھ ٹورسٹ گائیڈ کی حیثیت بھی حاصل ہوتی جا رہی ہے، اور اسے ملک بھر میں بڑی دلچسپی سے دیکھا جاتا ہے۔
