کے ٹو ٹیلیویژن کی خبر پر فوری ایکشن مانسہرہ کے سیاحتی علاقے سچاں دومیل میں سیاحوں سے زبردستی ٹیکس لینے کا خاتمہ ہو گیا ۔
مانسہرہ: ڈپٹی کمشنر مانسہرہ اور ٹی ایم او بفه پکهل مظہر مظفر خان کی ہدایت پر انفورسمنٹ عملے نے سچاں دومیل کا ہنگامی دورہ کر کے سیاحوں سے لیا جانے والا 20 روپے کا غیر قانونی ٹیکس فوری بند کروا دیا ۔
مقامی زمیندار کے کارندے کو پیر کے روز ٹی ایم او آفس طلب کر کے سخت وارننگ دی گئی ہے کہ دوبارہ شکایت پر ایف آئی آر درج ہوگی ۔
زمینداروں نے یقین دہانی کے بعد موقع سے ٹیکس پوائنٹ ہٹا دیا ہے، ٹی ایم اے بفه پکهل نے واضح کیا ہے کہ یہاں کسی فیس کی کوئی این او سی نہیں دی گئی، اور اس حوالے سے تھانہ نواز آباد کو بھی الرٹ کر دیا گیا ہے ۔
کے ٹو ٹیلیویژن پر خبر چلنے کے بعد آج دوسرے روز بھی چھٹی کے باوجود ضلع انتظامیہ کے افسران سرن ویلی میں موجود ہیں جگہ جگہ پکنک پوائنٹس کا معائنہ کر رہے ہیں اور اور ٹیکس وصول کرنے کے لئیے لگائے جانے والے بیرئیرز کو اکھاڑ پھینکا ہے ۔
مانسہرہ کے سیاحتی مقامات پر ناجائز ٹیکس لینے کے لئے یرچیاں سیاحوں کو تھمائی جاتی تھیں، جس کے بعد اب انتظامیہ نے تمام پرچیاں اپنے قبضے میں لی لی ہیں ۔
