ہری پور پولیس نے منشیات فروشوں کے خلاف مختلف کارروائیوں کے دوران 2 منشیات فروشوں کو گرفتار کر کے 2 کلو سے زائد منشیات برآمد کر لی۔
ہری پولیس ذرائع کے مطابق ڈسٹرکٹ پولیس آفیس فرحان خان کی ہدایت پر علاقے بھر میں منشیات فروشوں کے خلاف کارروائیوں کا سلسلہ جاری ہے۔
ایس ایچ او تھانہ سرائےصالح صدیق شاہ کی سربراہی میں پولیس نے کارروائی کرتے ہوئے شفیق الرحمان نامی منشیات فروش کو گرفتار کر کے قبضہ سے 1 کلو 734 گرام ہیروئن برآمد کر لی، جبکہ ایڈیشنل ایس ایچ او تھانہ غازی صابر خان نے پولیس نفری کے ہمراہ کارروائی کرتے ہوئے امجد علی نامی منشات فروش کو گرفتار کر کے قبضہ سے 470 گرام ائس برآمد کر لی۔
دونوں ملزمان کے خلاف امتناع منشیات ایکٹ کے تحت الگ الگ مقدمات درج کر کے تفتیش شروع کر دی گئی ہے۔
