لبنان کی مزاحمتی تنظیم حزب اللہ کے سربراہ سید حسن نصراللہ کا کہنا ہے کہ پیجر دھماکوں کے ذریعے اسرائیل نے ہزاروں افراد کو قتل کرنے کی کوشش کرکے تمام حدیں پار کرلی ہیں۔
حزب اللہ کے سربارہ کا کہنا تھا کہ اسرائیل نے خود اعلان جنگ کر دیا ہے، اب ہم انتقام لیں گے اور فلسطین کی حمایت بھی جاری رہے گی۔
اپنے خطاب میں حسن نصر اللہ کا کہنا تھا کہ اسرائیلی حملے سکیورٹی کی بہت بڑی ناکامی تھی تاہم اس سے حزب اللہ کبھی زیر نہیں ہوگی۔
ان کا کہنا تھا کہ پیجر دھماکے عوامی اجتماعات مین ہوئے جن میں اسرائیل نے جان بوجھ کر عام لوگون کو نشانہ بنایا، اسرائیل نے پیجر اور واکی ٹاکی دھماکوں کے ذریعے زیادہ سے زیاہ لوگوں کو قتل کرنے کی منصوبہ بندی کی۔
انہوں نے کہا کہ حزب اللہ غزہ کے لوگوں کی حمایت جاری رکھے گی۔
حسن نصراللہ کا کہنا تھا کہ اسرائیل 8 اکتوبر کے بعد اپنے شمالی علاقے سے راہ فرار اختیار کر چکا ہے اب اسے دوبارہ وہاں لوٹنے کی اجازت ہیں دی جائے گی۔
یاد رہے کہ لبنانی مزاحمتی تنظیم حزب اللہ اسرائیل کی جانب سے 7 اکتوبر کو غزہ پر حملوں کے اگلے روز سے ہی اسرائیل کے خلاف حالت جنگ میں ہے۔
