شمالی اور جنوبی وزیرستان میں سیکیورٹی فورسز اور دہشت گردوں کے درمیان جھڑپوں کے نتیجے میں 12 خوارجی واصل جہنم ہوگئے، جبکہ سیکیورٹی فورسز کے 6 بہادر جوان شہید ہوئے ہیں۔
آئی ایس پی آر کے مطابق سیکیورٹی فورسز اور خوارجی دہشت گردوں کے مابین جھڑپوں کے 2 واقعات پیش آئے، 19 ستمبر کو پاک افغان سرحد پر سات دہشت گردوں کی نقل و حرکت دیکھی گئی۔
پاک فوج کے ترجمان کے مطابق دہشت گردوں کا گروپ پاکستان میں دراندازی کی کوشش کر رہا تھا، سیکیورٹی فورسز نے شمالی وزیرستان کے علاقے سپن وام میں ان دہشت گردوں کا پتہ لگایا۔
ترجمان کا مزید بتانا ہے کہ خوارجی دہشت گردوں کے گروپ نے جنوبی وزیرستان کے علاقے لدھا میں سیکیورٹی فورسز کی چیک پوسٹ پر حملہ کیا، سیکیورٹی فورسز نے مقابلہ کرتے ہوئے 5 خوارجی دہشت گردوں کو ہلاک کیا۔
