ایبٹ آباد کے علاقہ دہمتوڑ بائی پاس جندر کے مقام پر ہریپور سے ہرنو سیاحت کی غرض سے آنے والی ایک فیملی کی سوزوکی گاڑی واپسی پر حادثے کا شکار ہو گئی، سوزوکی بے قابو ہو کر سڑک سے نیچے الٹ گئی، جس کے نتیجے میں 14 بچوں سمیت 20 افراد زخمی ہو گئے ۔
پولیس ذرائع کے مطابق زخمیوں میں 14 بچے بھی شامل ہیں۔ حادثے میں 3 افراد شدید زخمی ہوئے جبکہ 17 افراد کو معمولی نوعیت کی چوٹیں آئیں، مقامی پولیس اور ریسکیو اہلکاروں نے بروقت کارروائی کرتے ہوئے تمام زخمیوں کو ابتدائی طبی امداد فراہم کی اور ہسپتال منتقل کر دیا ۔
اطلاع ملتے ہی تھانہ نواں شہر کی پولیس ٹیم فوری طور پر موقع پر پہنچ گئی، جہاں پولیس نے امدادی سرگرمیوں میں تعاون کرتے ہوئے ٹریفک کی روانی بحال کی اور حادثے کی وجوہات جاننے کے لیے کارروائی شروع کر دی ۔
بتایا گیا ہے کہ متاثرہ خاندان کا تعلق ہریپور کے علاقہ شیرانوالہ گیٹ سے ہے اور وہ ہرنو سے واپس آ رہے تھے کہ راستے میں یہ افسوسناک حادثہ پیش آیا ۔
