امریکہ اور ایران کے درمیان مفاہمتی یادداشت (ایم او یو) پر دستخط کر دیے گئے ہیں۔ امریکی نائب صدر جے ڈی وینس نے معاہدے کی تصدیق کرتے ہوئے کہا ہے کہ دونوں ممالک کے درمیان طے پانے والی یہ یادداشت آئندہ مذاکرات اور تعاون کے لیے ایک اہم پیش رفت ہے۔
سینئر امریکی حکام کے مطابق امریکی صدر ڈونلڈ ٹرمپ اور نائب صدر جے ڈی وینس نے امریکا کی جانب سے جبکہ ایران کی جانب سے اسپیکر محمد باقر قالیباف نے مفاہمتی یادداشت پر دستخط کیے ہیں۔ حکام کا کہنا ہے کہ معاہدے کی تفصیلات آئندہ 24 سے 48 گھنٹوں کے دوران جاری کی جائیں گی۔
میڈیا رپورٹس کے مطابق جے ڈی وینس نے ایک انٹرویو میں کہا کہ ایران کے ساتھ ہونے والا معاہدہ مرحلہ وار تصدیقی عمل پر مشتمل ہوگا۔ انہوں نے امید ظاہر کی کہ آبنائے ہرمز طویل مدت تک بغیر کسی رکاوٹ کے کھلی رہے گی۔
دوسری جانب امریکی حکام کا کہنا ہے کہ رواں ہفتے کے اختتام تک تکنیکی مذاکرات کا آغاز متوقع ہے، جبکہ ایران کے منجمد اثاثوں کی بحالی کا معاملہ ایران کی جانب سے معاہدے پر عملدرآمد کی رفتار اور کارکردگی سے مشروط ہوگا۔
