ایرانی صدر مسعود پزشکیان نے کہا ہے کہ انہوں نے ایرانی عوام کے حقوق کے احترام کے حوالے سے امریکہ کے عزم کو آزمانے کے لیے مفاہمتی یادداشت (ایم او یو) پر دستخط کیے ہیں، جبکہ اس یادداشت کی اہم شقوں کی تیاری میں سپریم لیڈر مجتبیٰ خامنہ ای نے اہم کردار ادا کیا۔
سوشل میڈیا پلیٹ فارم ایکس پر اپنے ایک بیان میں مسعود پزشکیان نے کہا کہ مفاہمتی یادداشت پر دستخط کا مقصد ایرانی عوام کے حقوق کے حوالے سے امریکی مؤقف اور عزم کا عملی جائزہ لینا ہے۔
ایرانی صدر کے مطابق یہ مفاہمتی یادداشت جنگ کے خاتمے اور باضابطہ مذاکرات کے آغاز کی جانب ایک اہم پیش رفت ہے۔ انہوں نے کہا کہ ایران ہر قسم کی صورتحال کا سامنا کرنے کے لیے تیار ہے۔
مسعود پزشکیان کا مزید کہنا تھا کہ اگر مفاہمتی یادداشت کے تمام نکات پر مکمل عملدرآمد کیا گیا تو یہ دستاویز ایران کے لیے باعثِ فخر ثابت ہوگی۔ انہوں نے امید ظاہر کی کہ اس پیش رفت سے خطے میں استحکام اور سفارتی روابط کے فروغ میں مدد ملے گی۔
