گورنر پنجاب سلیم حیدر خان نے فخر پاکستان ارشد ندیم کو گولڈ میڈل جیتنے پر 20 لاکھ کا چیک اور گاڑی تحفے میں دے دی۔
سلیم حیدر خان نے گورنر ہاؤس لاہور میں ارشد ندیم کے استقبال کے لیے تقریب سجائی جس میں انہوں نے ارشد ندیم کی کارکردگی کو سراہا،انہوں نے مزید کہا کہ ارشد ندیم کی کامیابی پر پوری قوم جشن منا رہی ہے، ہمیں توقع ہے کہ وہ مزید کامیابیاں سمیٹیں گےـ
تقریب میں ارشد ندیم نے اپنے خیالات کا اظہار کرتے ہوئے کہا کہ انشاء اللہ اپنے ملک کیلئے مزید کامیابیاں سمیٹوں گاـ
انہوں نے مزید کہا کہ اللہ کا شکر ہے جس نےصرف مجھےنہیں پوری پاکستانی قوم کو عزت دی ہےـ
