لاہور: پیٹرولیم مصنوعات کی قیمتوں میں کمی کے بعد پبلک ٹرانسپورٹرز نے کرایوں میں کمی کا اعلان کیا ہے۔
صدر آل پاکستان پبلک ٹرانسپورٹ اونرز فیڈریشن نے پبلک ٹرانسپورٹ کے کرایوں میں 15 فیصد کمی کا اعلان کیا ہے اور کہا کہ کرایوں میں کمی کے فیصلے کا اطلاق فوری طور پر ہو گا۔
واضح رہے وفاقی حکومت نے گزشتہ روز پیٹرول کی قیمت میں 74 روپے جب کہ ڈیزل کی قیمت میں 67 روپے کی کمی کی تھی۔
حکومت نے اعلان کیا تھا کہ پیٹرول کی فی لیٹر قیمت 373 روپے سے کم ہو کر 299 روپے جب کہ ڈیزل کی فی لیٹر قیمت 378 روپے سے کم ہو کر 311 روپے پر آ جائے گی۔
