اسلام آباد: محکمہ موسمیات کے مطابق آئندہ 12 گھنٹوں کے دوران کشمیر، خیبرپختونخوا، اسلام آباد اور پنجاب میں تیز ہواؤں اور گرج چمک کے ساتھ بارش کا امکان ہے۔
ملک کے چند مقامات پر تیز اور موسلادھار بارش کا امکان ہے۔
سندھ اور جنوبی بلوچستان میں بھی بعض مقامات پر تیز ہواؤں اور گرج چمک کے ساتھ بارش کی توقع ہے۔
آج زیادہ سے زیادہ درجہ حرارت اسلام آباد میں 32، لاہور 35، ملتان 41، کراچی 34، پشاور 35، گلگت 30، سکردو 31، کوئٹہ 36 اور سری نگر میں 29 ڈگری سینٹی گریڈ ریکارڈ کیا گیا۔
