چیف ٹریفک آفیسر ہمایوں حمزہ کے مطابق کوئی بھی مسافربس یا وین اگر اڈے کے علاوہ راستے میں کسی مسافر کو اتارے گی تو اس کے خلاف قانونی کارروائی کی جائے گی۔
اجنبی افراد کو سڑکوں پر اتارنے سے سیکیورٹی خطرات پیدا ہوتے ہیں، اس لیے مختلف شہروں سے آنے والے مسافروں کو صرف مقررہ اڈوں پر ہی اتارنا ہوگا۔
سی ٹی او نے واضح کیا کہ اسلام آباد میں ایم ٹیگ کے بغیر کوئی بھی گاڑی یا موٹرسائیکل نہیں چل سکے گی۔ اس کے علاوہ غیر رجسٹرڈ اور بغیر نمبر پلیٹ موٹرسائیکل چلانے کی اجازت نہیں ہوگی۔
ہمایوں حمزہ نے خبردار کیا کہ ایسے موٹرسائیکل رکھنے والوں کے خلاف سخت کارروائی عمل میں لائی جائے گی۔
ٹریفک پولیس کا کہنا ہے کہ ان اقدامات کا مقصد شہریوں کی حفاظت کو یقینی بنانا اور دارالحکومت میں ٹریفک نظم و ضبط کو بہتر بنانا ہے۔
