ہری پور — حطار انڈسٹریل اسٹیٹ میں گیس پائپ لائن پھٹنے کے بعد خوفناک آگ بھڑک اٹھی جس کے نتیجے میں 8 افراد جاں بحق جبکہ 8 افراد زخمی ہو گئے۔
ڈی پی او ہری پور شفیع اللّٰہ گنڈاپور کے مطابق جاں بحق اور زخمی ہونے والے تمام افراد کا تعلق ایک ہی گھرانے سے ہے۔ ان کے مطابق انڈسٹریل اسٹیٹ میں گیس پائپ لائن اچانک پھٹنے سے شدید آگ بھڑک اٹھی جس پر قابو پانے کے لیے پانچ اضلاع کی فائر بریگیڈ ٹیموں نے حصہ لیا۔
پولیس اور ریسکیو اداروں نے مشترکہ طور پر امدادی کارروائیوں میں حصہ لیتے ہوئے زخمیوں کو قریبی اسپتال منتقل کیا۔ ڈی پی او کے مطابق پانچ لاشیں کوٹ نجیب اللہ اسپتال جبکہ تین زخمی ٹراما سینٹر میں زیر علاج ہیں۔
حکام کے مطابق آگ پر قابو پانے اور علاقے کو کلیئر کرنے کے لیے آپریشن مکمل ہونے تک ریسکیو سرگرمیاں جاری رہیں۔
