مکہ مکرمہ: وفاقی وزیر برائے مذہبی امور سردار محمد یوسف نے مکہ مکرمہ میں پاکستان حج مشن کا دورہ کیا اور حج 2026 کے انتظامات پر اطمینان کا اظہار کیا ہے۔
دورے کے دوران وزیر مذہبی امور نے فراہم کی جانے والی طبی سہولیات کا تفصیلی جائزہ لیا اور عملے کی کارکردگی کو سراہا۔
اس موقع پر میڈیا سے گفتگو کرتے ہوئے انہوں نے کہا کہ حکومت پاکستان حجاج کرام کو بہترین سہولیات کی فراہمی کیلئے پُرعزم ہے اور اس سلسلے میں تمام تر انتظامات بروقت مکمل کیے جا رہے ہیں۔
انہوں نے کہا کہ پاکستانی حجاج کی صحت اور سہولت کو اولین ترجیح دی جا رہی ہے.
انہوں نے کہا کہ سعودی عرب میں تعینات حج مشن کا عملہ شب و روز خدمات انجام دے رہا ہے۔
سردار محمد یوسف کا کہنا تھا کہ حج 2026 کے دوران حجاج کو معیاری طبی اور انتظامی سہولیات فراہم کرنے کیلئے مؤثر اقدامات کیے گئے ہیں۔
