وزیرِ اعظم محمد شہباز شریف کی زیر صدارت خصوصی اجلاس
رواں برس کے ترقیاتی بجٹ اور آئندہ مالی سال کے لیے پبلک سیکٹر ڈویلپمنٹ پروگرام (پی ایس ڈی پی) کے منصوبوں پر جائزہ لیا گیا۔
اجلاس میں ملک بھر کے جاری ترقیاتی منصوبوں اور آئندہ مالی سال کے مجوزہ منصوبوں پر تفصیلی غور کیا گیا.
اجلاس میں منصوبوں کے لیے درکار فنڈز اور پیش رفت سے متعلق بریفنگ دی گئی۔
وزیرِ اعظم نے ہدایت کی کہ بہتر کارکردگی دکھانے والی وزارتوں کو ترقیاتی منصوبوں کے لیے ترجیحی بنیادوں پر بجٹ فراہم کیا جائے۔
انہوں نے کہا کہ عوامی پیسہ صرف ان ترقیاتی منصوبوں پر خرچ کیا جائے گا جن کے نتائج یقینی اور دیرپا ہوں۔
وزیرِ اعظم نے پانی کے ذخائر اور پن بجلی کے منصوبوں کو ترقیاتی بجٹ کی اولین ترجیحات میں شامل کرنے کی ہدایت کی اور اس ضمن میں پبلک پرائیویٹ پارٹنرشپ کو مزید فروغ دینے پر زور دیا۔
اجلاس میں وزیرِ اعظم نے پانڈا بانڈز کے کامیاب اجراء اور عالمی مارکیٹ میں ان کی پذیرائی پر وزیرِ خزانہ کی کارکردگی کو سراہا۔
وزیرِ اعظم کی جانب سے ریلوے، آئی ٹی اور وزارتِ پاور کی کارکردگی کی بھی تعریف کی گئی۔
