پشاور (خصوصی رپورٹر) — کے ٹو ٹی وی پشاور سنٹر سے نشر ہونے والا سحرانگیز اور رنگارنگ میوزیکل شو “گیتوں بھری مالا پخیر راغلے” تیزی سے ناظرین میں مقبولیت حاصل کر رہا ہے۔
اس پروگرام میں ناظرین کو نہ صرف پشاور کے بارے میں دلچسپ معلوماتی پیکجز دیکھنے کو ملتے ہیں بلکہ وہ اپنی پسند کے مدھر اور دلکش نغمات سے بھی محظوظ ہوتے ہیں۔
پروگرام کی میزبانی مینہ شمس اور اکبر علی کر رہے ہیں۔ اکبر علی ناظرین کی فرمائش پر اپنی آواز کا جادو جگاتے ہیں اور براہِ راست کال کرنے والے ناظرین کے دلچسپ سوالات کے جوابات بھی دیتے ہیں۔
مینـہ شمس اپنے خوشگوار اور متاثر کن اندازِ گفتگو کی وجہ سے نمایاں حیثیت رکھتی ہیں، جسے ملک کے مختلف شہروں سے مرد و خواتین ناظرین سراہتے ہیں۔
یہ شو مختصر عرصے میں اپنی منفرد پیشکش اور براہِ راست انٹرایکشن کی وجہ سے ناظرین کے دلوں میں جگہ بنانے میں کامیاب رہا ہے۔
