ایبٹ آباد میں خواجہ سرا پر تشدد کے واقعہ میں اہم پیشرفت سامنے آئی ہے، جہاں پولیس نے مرکزی ملزم کو گرفتار کرکے ملزم کے خلاف مقدمہ درج کرلیا ۔
ایبٹ آباد: پولیس کے مطابق مرکزی ملزم تجمل ولد عارف سکنہ اپر ملکپورہ کو گرفتار کر لیا، ملزمان نے خواجہ سرا مشی خان ولد اکرم سکنہ سپلائی کو تھانہ سکندر آباد کی حدود میں تشدد کا نشانہ بنایا اور موقع سے فرار ہو گئے تھے ۔
واقعہ کی اطلاع ملنے کے بعد حکام کی خصوصی ہدایات پر اپولیس اہلکاروں نے فوری کارروائی کرتے ہوئے مرکزی ملزم کو حراست میں لے لیا، جبکہ دیگر ملزمان کی تلاش جاری ہے ۔
پولیس کے مطابق ملزمان کے خلاف مختلف دفعات کے تحت مقدمہ درج کر کے مزید تفتیش کا آغاز کر دیا گیا ہے، واقعہ میں ملوث دیگر افراد کو بھی جلد گرفتار کر لیا جائے گا اور قانون کے مطابق سخت کارروائی عمل میں لائی جائے گی ۔
