پہلے ٹیسٹ میں ویسٹ انڈیز نے پاکستان کو 90 رنز سے ہراکر دو میچز کی سیریز میں ایک صفر کی برتری حاصل کرلی، 211 رنز ہدف کے تعاقب میں قومی ٹیم میچ کے چوتھے روز 120 رنز پر ڈھیر ہو گئی ۔
برائن لارا کرکٹ سٹیڈیم میں کھیلے گئے پہلے ٹیسٹ میچ میں ویسٹ انڈیز نے پاکستان کو جیت کیلئے 211 رنز کا ہدف دیا تھا ، جس کے تعاقب میں میچ کے چوتھے روز پوری قومی ٹیم صرف 120 رنز پر ہمت ہار گئی ۔
کپتان بابر اعظم نے سب سے زیادہ 58رنز بنائے اور ناٹ آوٹ رہے، محمد عباس نے 23 رنز کی اننگز کھیلی، پاکستان کے8کھلاڑی ڈبل فیگرز میں داخل نا ہوسکے، آذان اویس، امام الحق اور شان مسعود 3،3 رنز بناکر آوٹ ہوئے، علی عثمان نے 2 ،خرم شہزاد نے 4 رنز بنائے، عامر جمال اور محمد علی صفر پر آوٹ ہوئے ۔
اس سے قبل ویسٹ انڈیز نے پہلی اننگز میں 311 رنز بنائے تھے، جس کے جواب میں پاکستان کی ٹیم 282 رنز پر آؤٹ ہوگئی تھی، میزبان ٹیم دوسری اننگز میں 181 رنز پر آل آوٹ ہوگئی تھی اور یوں پاکستان کو جیت کیلئے 211 رنز کا ہدف میلا، جس کے جواب میں قومی ٹیم 120 رنز بنا سکی ۔
میچ کی دونوں اننگز میں 7 وکٹیں لینے پر ویسٹ انڈیز کے جسٹس گریوز میچ کے بہترین کھلاڑی قرار دیئے گئے، سیریز کا دوسرا اور آخری میچ 2 اگست کو کھیلا جائے گا ۔
