رانا ثنا اللہ نے کہا کہ مولانا فضل الرحمان سے بات چیت کا سلسلہ جاری ہے۔ مولانا صاحب کو کھونا نہیں چاہتے۔
پارلیمنٹ ہاؤس آمد پر میڈیا سے گفتگو کرتے ہوئے لیگی رہنما رانا ثنا اللہ کا کہنا تھا کہ مولانا فضل الرحمان کے الزامات ہوں یا کسی اور کے انکوائری ہونا چاہیے۔تحقیق سے قبل تو الزام، الزام ہی ہے۔کوئی کہتا ہے کے پی میں مینڈیٹ چرایا گیا تو وہاں چرانے والا کوئی اور ہے۔رانا ثنا اللہ کا کہنا تھا کہ پنجاب میں اگر مینڈیٹ چرایا گیا ہے تو وہاں کوئی اور ہے؟پنجاب میں ہم پر الزام ہے سندھ اور بلوچستان میں کسی اور پر الزام ہے۔دھاندلی الزامات کی تحقیقات کیلئے کمیشن بنانے کا فیصلہ پارلیمنٹ کرے گی۔ان کا مزید کہنا تھا کہ مولانا صاحب کو کھونا نہیں چاہتے۔انہوں نے ہماری پہلے بھی رہنمائی کی۔ امید ہے وہ اب بھی رہنمائی کریں گے
