ایشین ہاکی چیمپئینز ٹرافی کے آخری گروپ میچ میں بھارت نے پاکستان کو ہرا دیا.
چین کے شہر ہولن بئیر میں کھیلے گئے ہاکی میچ میں بھارت نے پاکستان کو 1-2 سے شکست دیکر کامیابی سمیٹی، پاکستان کی یہ ٹورنامنٹ میں پہلی ناکامی تھی۔
بھارت کی طرف سے ہرمن پریت سنگھ نے دونوں گولز اسکور کیے جبکہ پاکستان کی جانب واحد گول پہلے کوارٹر میں احمد ندیم نے کیا، قومی ٹیم نے روایتی حریف کے کیخلاف اہم مواقع ضائع کیے اور گول اسکور کرنے میں ناکام رہے۔
ہاکی کے عالمی مقابلوں میں بھارت نے آخری 11 میچز میں سے 8 میں فتح سمیٹی جبکہ 3 میں شکست کا سامنا کرنا پڑا۔
یاد رہے کہ دونوں ٹیمیں ایونٹ کے سیمی فائنل میں جگہ پکی کرچکی ہیں اور فائنل بھی انہیں کے درمیان ہونے کا قوی امکان ہے۔
