چیئرمین پاکستان کرکٹ بورڈ محسن نقوی نے اعلان کیا ہے کہ عالمی توانائی اور تیل کے بحران کے باعث پاکستان سپر لیگ کے 11ویں ایڈیشن کے تمام میچز بغیر تماشائیوں کے منعقد ہوں گے، تاہم ایونٹ اپنے شیڈول کے مطابق 26 مارچ سے ہی شروع ہو گا ۔
چیئرمین پی سی بی کے مطابق اب پی ایس ایل کے تمام میچز صرف لاہور اور کراچی میں کھیلے جائیں گے تاکہ انتظامات کو بہتر انداز میں سنبھالا جا سکے ۔
انہوں نے بتایا کہ موجودہ حالات کے پیش نظر سٹیڈیمز میں شائقین کو داخلے کی اجازت نہیں ہوگی اور میچز بند دروازوں کے پیچھے کھیلے جائیں گے ۔
محسن نقوی کا کہنا تھا کہ تمام تر مشکلات کے باوجود پی ایس ایل کا شیڈول تبدیل نہیں کیا گیا اور ٹورنامنٹ مقررہ پروگرام کے مطابق ہی جاری رہے گا ۔
چیئرمین پی سی بی نے بتایا کہ افتتاحی تقریب کو منسوخ کردیاہے، اخراجات زیادہ نہیں ہوں گے جبکہ فرنچائزز کو گیٹ منی پاکستان کرکٹ بورڈ ادا کرے گا ۔
محسن نقوی کا مزید کہنا تھا کہ موجودہ صورتحال میں میچز بغیر شائقین کے کرانے کا فیصلہ کیا گیا ہے، فینز ٹکٹ کے پیسے واپس لے سکیں گے،فینز سے معذرت خواہ ہیں ۔
چیئرمین پی سی بی نے کہا کہ پی ایس ایل کے انعقاد سے متعلق مشاورت جاری تھی اور فیصلہ کیا ہے کہ لیگ شیڈول کے مطابق 26 مارچ سے شروع ہوگی ۔
