راولپنڈی میں 15 دن کے لیے دفعہ 144 نافذکردی گئی ہے اور اڈیالہ جیل اور اس کے اطراف کا علاقہ ریڈ زون قرار دے دیا گیا ہے، دوسری جانب اسلام آباد میں بھی دفعہ 144 نافذ ہے ، خلاف ورزی کرنے والوں کے خلاف سخت قانونی کارروائی کی جائے گی ۔
دفعہ 144 نافذ کرنےکا نوٹیفکیشن بھی جاری کردیا گیا ہے ،جس کے کے مطابق دفعہ 144 کا نفاذ رات 12 بجے کے بعد فوری طور پرکردیا گیا ہے ۔
نوٹیفکیشن کے مطابق دفعہ 144 کے تحت اڈیالہ جیل اور اس کے اطراف علاقہ ریڈ زون قرار دیا گیا ہے ۔
نوٹیفکیشن کے مطابق اڈیالہ جیل اور حساس تنصیبات کے اطراف پابندیاں عائد رہیں گی، ہرقسم کے جلسے، جلوس، دھرنے، ریلیوں اور احتجاج پرپابندی ہوگی ۔
دوسری جانب ضلعی انتظامیہ کا کہنا ہےکہ دفعہ 144کےتحت کسی بھی قسم کےاجتماع کی اجازت نہیں، کسی بھی قسم کا اجتماع قانون کی خلاف ورزی تصور ہوگا، خلاف ورزی کی صورت میں سخت قانونی کارروائی ہوسکتی ہے ۔
