ضلع لکی مروت میں سرائے نورنگ بازار کے اندر نصب بم پھٹنے سے دھماکہ ہوا ہے ، پولیس کے مطابق دھماکے میں 2 ٹریفک پولیس اہلکاروں سمیت 9 افراد شہید اور 33 شدید زخمی ہو گئے ۔
لکی مروت: پولیس حکام کے مطابق تھانہ نورنگ کی حدود سرائے نورنگ بازار میں موٹرسائیکل میں نصب بارودی مواد پھٹنے سے زوردار دھماکہ ہوا ہے ۔
پولیس کے مطابق دھماکے میں 2 ٹریفک پولیس اہلاکروں سمیت 9 افراد جاں بحق اور 33 شدید زخمی ہو گئے، زخمیوں میں خواتین اور بچے بھی شامل ہیں ۔
پولیس نے کہا کہ دھماکے میں جاں بحق افراد کی لاشوں اور زخمیوں کو ہسپتال منتقل کیا جا رہا ہے ،دھماکے کے بعد نورنگ ہسپتال میں ایمرجنسی نافذ کر دی گئی ہے ۔
