امریکا اور ایران کے درمیان جاری جنگ سترہویں روز میں داخل ہو گئی ہے، جبکہ امریکا نے چار روز کے وقفے کے بعد ایران پر فضائی حملوں کا سلسلہ دوبارہ شروع کر دیا ہے۔
ایرانی خبر رساں اداروں کے مطابق امریکی جنگی طیاروں نے بندر عباس، بوشہر، آبادان، سیریک اور قشم جزیرے سمیت متعدد علاقوں کو نشانہ بنایا۔ قشم جزیرے میں تین دھماکوں کی آوازیں سنی گئیں، تاہم ابتدائی اطلاعات کے مطابق مبینہ میزائل حملوں میں کسی جانی نقصان کی اطلاع نہیں ملی۔
رپورٹس کے مطابق بوشہر شہر میں بھی حملے کیے گئے، تاہم وہاں ہونے والے نقصانات کی تفصیلات فوری طور پر سامنے نہیں آئیں۔ بوشہر ایران کا واحد جوہری بجلی گھر رکھنے والا شہر ہے۔
اس کے علاوہ بندر عباس شہر میں بھی متعدد دھماکوں کی آوازیں سنی گئیں۔
واضح رہے کہ ایران کے خلاف امریکی کارروائیاں صدر ڈونلڈ ٹرمپ کی منظوری کے بعد دوبارہ شروع کی گئی ہیں، جبکہ خطے میں کشیدگی بدستور برقرار ہے۔
