حسن ابدال کے گاوں کوہلیہ میں افسوس ناک واقعہ پیش آیا ہے۔جہاں دو کم سن بہنیں برساتی نالے میں ڈوب کر جاں بحق ہو گئی ہیں۔ علاقہ مکینوں نے دونوں بچیوں کی لاشیں برساتی نالے سے نکال لی ہیں۔
ڈوبنے والی بچیوں میں 5 سالہ نبیہ اور 8 سالہ مناہل ولد عمران شاہ شامل ہیں۔اہل علاقہ کے مطابق دونوں بہنیں سپارہ پڑھنے کے بعد بارش کے دوران گھر واپس آ رہی تھیں کہ پانی کا بہاو زیادہ ہونے کی وجہ سے دونوں برساتی نالہ میں بہہ گئیں۔اہل علاقہ نے تقریبا 40 منٹ کی کوشش کے بعد اپنی مدد آپ کے تحت دونوں بنہوں کی لاشوں کو نکال لیا ہے۔اس افسوس ناک واقعہ سے پورے علاقے کی فضاء سوگوار ہو گئی۔بچیوں کی نماز جنازہ ادا کرنے کے بعد مقامی قبرستان میں ان کی تدفین بھی کر دی گئی ہے۔
