سہ ملکی ٹی ٹوئنٹی سیریز کے چوتھے میچ میں افغانستان نے پاکستانی ٹیم کو 18 رنز سے شکست دیدی، افغانستان نے پہلے کھیلتے ہوئے مقررہ اوورز میں 169 رنز بنائے جواب میں قومی ٹیم 9 وکٹوں کے نقصان پر 151 رنز بنا سکی ۔
شارجہ میں کھیلے گئے سہ ملکی سیریز کے چوتھے میچ میں افغانستان نے ٹاس جیت کر پاکستان کے خلاف پہلے بیٹنگ کرنے کا فیصلہ کیا ۔
افغانستان نے پہلے کھیلتے ہوئے مقررہ 20 اوورز میں 5 وکٹ کے نقصان پر 169 رنز بنائے، ابراہیم زادران 65 اور صدیق اللہ نے 64 رنز بناکر نمایاں بلے باز رہے ۔
پاکستان کی جانب سے فہیم اشرف نے شاندار باولنگ کی اور 4 کھلاڑیوں کو آؤٹ کیا، صائم ایوب نے ایک وکٹ حاصل کی ۔
افغانستان کے 170 رنز ہدف کے تعاقب میں پاکستان کی ٹیم 9 وکٹوں کے نقصان پر 151 رنز بناسکی،حارث رؤف نے سب سے زیادہ 34 رنز بنائے ، فخر زمان 25، سلمان آغا 20 اور صاحبزادہ فرحان نے 18 رنز بنا سکے ۔
افغانستان کی جانب سے فضل حق فاروقی، راشد خان، محمد نبی اور نور احمد نے 2،2 کھلاڑیوں کو آوٹ کرکے ٹیم کی کامیابی میں اہم کردار ادا کیا ، شاندار بیٹنگ پر ابراہیم زادران کو میچ کے بہترین کھلاڑی کا انعام دیا گیا ۔
واضح رہے کہ تین ملکی سیریز کے پہلے ٹی ٹوئنٹی میچ میں پاکستان نے افغانستان کو 39 رنز سے شکست دی تھی ۔
