ہنگو کے علاقے خزینہ پولیس چیک پوسٹ پر دہشت گردوں کے حملے میں 10 پولیس افسران اور اہلکار شہید جبکہ متعدد اہلکار زخمی ہو گئے۔
شہید ہونے والوں میں ڈی ایس پی دیار خان، اے ایس آئی کفایت اللہ، اسسٹنٹ سب انسپکٹر قاصد علی، لائن ہیڈ کانسٹیبل ثنا اللہ، ہیڈ کانسٹیبل امتیاز، کانسٹیبل مدثر، کانسٹیبل شعبان علی، کانسٹیبل ندیم اور کانسٹیبل صمد شامل ہیں۔
حملے میں 40 پولیس افسران اور اہلکار زخمی بھی ہوئے۔ زخمیوں میں ڈی ایس پی مجاہد حسین، اے ایس آئی احمد رحمان، کانسٹیبل طاہر علی خان، ماجد جمال، لیاقت خان، فیاض، عصمت، حسام خان، آفاق خان، ایاز، وسیم، شعبان علی، لائن ہیڈ کانسٹیبل بختیار، احتشام، نجیب اللہ، عظمت، حمزہ، اسد اقبال، ڈی ایف سی شفیع الرحمان، علی رضا، ابراہیم، اصف، سبیل خان، شکیل اور محب اللہ سمیت دیگر اہلکار شامل ہیں۔
تمام زخمی پولیس افسران اور اہلکاروں کو طبی امداد کے لیے قریبی اسپتال منتقل کر دیا گیا ہے، جہاں ان کا علاج جاری ہے۔
