مشرقِ وسطیٰ میں جاری کشیدگی ایک بار پھر شدت اختیار کرگئی، غزہ اور بیروت میں اسرائیلی حملوں کے نتیجے میں شہادتوں اور زخمیوں کی تعداد میں اضافہ جاری ہے۔
عرب میڈیا کے مطابق اسرائیلی حملے میں عزام الحیہ شہید ہوگئے، جبکہ فلسطینی اینٹی نارکوٹکس فورس کے سربراہ سمیت 5 فلسطینی شہید اور 17 زخمی ہوئے۔
دوسری جانب حماس نے خلیل الحیہ کے صاحبزادے کی شہادت پر شدید ردعمل دیتے ہوئے کہا ہے کہ اسرائیل دہشتگردی اور قتل و غارت کے ذریعے سیاسی مقاصد حاصل کرنا چاہتا ہے۔
ترجمان حماس کے مطابق اسرائیل مزاحمت کے ارادوں اور سیاسی مؤقف پر اثرانداز ہونے کی ناکام کوشش کررہا ہے، تاہم میدانِ جنگ ہو یا مذاکرات کی میز، حماس اپنے مؤقف پر چٹان کی طرح قائم ہے۔
حماس کا کہنا ہے کہ قیادت کے بیٹوں کی قربانیاں تحریکِ آزادی کو مزید جلا بخشیں گی۔
