پاکستان اور ملائشیا کے وزرائے اعظم کا دونوں ملکوں کے درمیان تجارت میں مزید اضافے پر اتفاق ہو گیا ہے ،کوالالمپور میں پاکستان اور ملائیشیا بزنس اینڈ انویسٹمنٹ کانفرنس میں وزیراعظم محمد شہباز شریف اور ان کے ملائیشین ہم منصب انور ابراہیم نے شرکت کی، کانفرنس کے بعد دونوں وزرائے اعظم نے مشترکہ پریس کانفرنس سے خطاب بھی کیا ۔
کولالمپور: اس موقع پر ملائیشیا کے وزیراعظم محمد انور ابراہیم کا کہنا تھا کہ دہشت گردی پر قابو پانے کے لیے پاکستان سے ہر ممکن تعاون کریں گے ۔
محمد انور ابراہیم کا کہنا تھا ہمارے خطے میں استحکام کے لیے پاک بھارت امن اہم ہے، دہشت گردی پر قابو پانے کے لیے پاکستان سے ہر ممکن تعاون کریں گے ۔
ملائشیا کے وزیراعظم انور ابراہیم کا مزید کہنا تھا کہ وقت کیساتھ ساتھ پاکستان اور ملائیشیا کے تعلقات مستحکم ہوئے ہیں ۔
وزیراعظم شہباز شریف نے ملائیشیا کو اپنا دوسرا گھر قرار دیتے ہوئے والہانہ استقبال پر ملائیشین حکومت اور عوام کا شکریہ ادا کیا اور کہا کہ پاکستان اور ملائیشیاء کے درمیان بہترین تعلقات پائے جائے ہیں ۔
شہباز شریف نے کہا کہ دورے سے تعلقات کو تقویت ملے گی، پاکستان سے 20 کروڑ ڈالر مالیت حلال گوشت کی برآمد کے فیصلے کا خیر مقدم کرتا ہوں، حلال گوشت کی تجارت کو وقت کے ساتھ مزید بڑھائیں گے ۔
انہوں نے ملائیشین وزیراعظم انور ابراہیم کو مخاطب کرتے ہوئے کہا کہ آپ کے تجربے سے استفادے کیلیے مشترکہ منصوبوں کے خواہاں ہیں، ملائیشین ہم منصب انور ابراہیم نمایاں خصوصیات کے حامل شخصیت ہیں، دوطرفہ تعلقات سے متعلق انور ابراہیم کا دورہ پاکستان یادگار تھا ۔
قبل ازیں ملائیشیا کے وزیراعظم آفس آمد پر وزیراعظم انور ابراہیم نے اپنے پاکستانی ہم منصب شہباز شریف کا استقبال کیا ۔
وزیراعظم شہباز شریف کو ملائیشیا کی مسلح افواج کے دستےکی جانب سے گارڈ آف آنر پیش کیا گیا اور استقبالیہ تقریب میں دونوں ممالک کے قومی ترانے بجائے گئے ۔
