بلوچستان کے ضلع خضدار میں سکیورٹی فورسز نے خفیہ اطلاع پر آپریشن کرتے ہوئے 4 دہشتگرد مارے گئے، ہلاک دہشتگرد کئی وارداتوں میں ملوث تھے، ہلاک دہشتگردوں کے قبضے سے اسلحہ اور گولہ بارود بھی برآمد ہوا ۔
پاک فوج کے شعبہ تعلقات عامہ کی جانب سے جاری بیان کے مطابق خضدار میں سیکیورٹی فورسز نے خفیہ اطلاع پر آپریشن کیا، اس دوران دہشتگردوں کے ساتھ فائرنگ کا شدید تبادلہ ہوا ۔
آئی ایس پی آ کا کہنا ہے کہ آپریشن 17 ستمبرکو دہشتگردوں کی موجودگی کی اطلاع پر کیا گیا جس دوران 4 بھارتی سرپرست یافتہ دہشتگردوں ہلاک ہوگئے ۔
آئی ایس پی آر نے بتایا کہ آپریشن کے دوران فورسز نے دہشتگردوں کے ٹھکانے کو مؤثر انداز میں نشانہ بنایا جب کہ ان ٹھکانوں سے اسلحہ، گولہ بارود اور دھماکا خیز مواد بھی برآمد کیا گیا ۔
ہلاک ہونے والے دہشتگرد علاقے میں متعدد دہشتگردانہ کارروائیوں میں سرگرم رہے تھے، علاقے میں کسی بھی ممکنہ چھپے ہوئے دہشتگرد کے خاتمے کے لیے میں کلیئرنس آپریشن جاری ہے ۔
آئی ایس پی آر کا مزید کہنا تھا کہ سکیورٹی فورسز ملک سےبھارتی سرپرستی یافتہ دہشتگردی کے ناسور کوجڑ سے اکھاڑ پھینکنے کے لیے پرعزم ہیں، دہشتگردی کے تمام مجرموں کو انصاف کے کٹہرے میں لایا جائے گا ۔
