پاکستان کے جڑواں شہروں راولپنڈی اور اسلام آباد میں رات سے لے کر صبع تک گرج چمک کے ساتھ طوفانی بارشوں کا سلسلہ جاری ہے۔جس کے باعث نشیبی علاقوں سمیت شاہراؤں پر پانی جمع ہوگیا ہے۔
ذرائع کے مطابق اسلام آباد اور راولپنڈی میں بارش کی وجہ سے موسم خوشگوار ہوگیا ہے۔تیز ہواوں اور شدید گرج چمک کے ساتھ طوفانی بارشوں سے مری روڈ ،کمیٹی چوک لیاقت باغ ،جہلم روڈ ،جی روڈ سواں وغیرہ کی شاہراؤں پر پانی جمع ہوگیا ہے۔جس کی وجہ سے شہریوں کو روز مرہ کے معمولات و آمد رفت میں شدید پریشانی کا سامنا بھی کرنا پڑ رہا ہے، جبکہ اس کے ساتھ ہی مختلف علاقوں میں بجلی کا نظام بھی متاثر ہوگیا ہے۔
ذرائع کے مطابق سب سے زیادہ بارش چکلالہ میں 126 ملی میڑ ریکارڈ کی گی ہے۔جبکہ بوکڑا کے مقام پر 115 ، گولڑہ ای الیون میں 87, شمس آباد میں 81 ملی میڑ اور پی ایم ڈی ایچ ایٹ میں 62 اور سیدپور میں 43 ملی میڑ تک بارش ریکارڈ کی گی ہے۔اس کے ساتھ ہی نالہ لئی میں کٹاریاں کے مقام پر پر پانی کی سطح 10 فٹ اور گوالمنڈی پر 11.5 فٹ پہنچ گئی ہے۔
ذرائع کا کہنا ہے کہ ریسکیو ٹیمیں نالہ لئی کے اطراف اور نشیبی علاقے میں حفاظتی اقدامات کے لیے پہنچیں گئی ہیں۔جن کو کٹاریاں، گوالمنڈی اور دیگر نشیبی علاقے میں تعینات کردیا گیا ہے۔بارشوں ہونے کے دوران ریسکیو اہلکار ان جگہوں پر مسلسل ڈیوٹی پر موجود رہی ہیں۔
دوسری طرف ریسکیو1122نے راولپنڈی اسلام آباد مین بارش کے دوران احتیاط برتنے کے حوالے سے شہریوں کے لیے ایڈوائزری کو جاری کر دیا ہے۔ جس کے مطابق بارشوں کے دوران انتہائی احتیاط برتیں کا کہا گیا ہے۔ والدین کو ہرایت کی گئی ہے کہ بچوں کو نالہ لئی اور بجلی کے کھمبے کے پاس ہر گز نہ جانے دیا جائے۔اس کے ساتھ ہی کسی بھی ایمرجنسی کی صورت میں ریسکیو ہیلپ لائن 1122 پر فوری طور پر اطلاع دیں۔
