ٹی ٹوئنٹی ورلڈ کپ کے چوتھے میچ میں نیوزی لینڈ نے افغانستان کو پانچ وکٹوں سے ہرادیا، 183 رنز کا ہدف نیوزی لینڈ نے 18ویں اوور میں پانچ وکٹوں کے نقصان پر حاصل کیا، ٹم سیفرٹ نے شاندار 65 رنز بنائے اور میچ میں اہم کردار ادا کیا ۔
چنائی سٹیڈیم میں کھیلے گئے ٹی ٹوئنٹی ورلڈ کپ کے چوتھے میچ میں افغانستان نے ٹاس جیت کر پہلے خود بیٹنگ کا فیصلہ کیا ۔
افغانستان نے مقررہ اوورز میں 6 وکٹوں کے نقصان پر 182 رنز بنائے جس میں گلبدین نائب نے 63، صدیق اللہ اتل 29 اور رحمان اللہ گرباز نے 27 رنز بنائے ۔
نیوزی لینڈ کی جانب سے لوکی فرگوسن نے 2، میٹ ہنری، جیکب ڈفی، راچن رویندرا نے ایک ایک وکٹ حاصل کی، نیوزی لینڈ نے ہدف 18ویں اوور میں 5 وکٹوں کے نقصان پر حاصل کر کے میچ جیت لیا ۔
نیوزی لینڈ کی جانب سے ٹم سیفرٹ نے سب سے زیادہ 65، گلین فلپس نے 42 اور مارک چیمپین نے 28 رنز بنائے اور ٹیم کی کامیابی میں اہم کردار ادا کیا ۔
افغانستان کی جانب سے مجیب الرحمان نے دو، عظمت اللہ عمرزئی، راشد خان اور محمد نبی نے ایک ایک وکٹ حاصل کی، نیوزی لینڈ کے ٹم سیفرٹ کو شاندار 65 رنز بنانے پر میچ کا بہترین کھلاڑی قرار دیا گیا ۔
